Iknofosil

Iknofosilak organismoen bizitzaren arrasto fosilizatuak dira, hala nola haiek eraikitako gordelekuak, egindako ibilbideak, oinatzak eta gorotzak, betiere organismo horiexen gorputz edo egiturarik azaltzen ez dutenak. Hareharrietan aurkitzen dira iknofosilik onenak, baita kareharrietan eta eskistoetan ere.

Antzinako iknofosilak aztertzen dituen zientzia Paleoiknologia da^[1]. Zaila izaten da espezie zehatz batekin identifikatzea, baina orokorrean taxoiarekin lotu daiteke. Ezaugarri identifikagarriak badituztenez iknogenero eta iknoespezietan sailkatzera iristen dira. Sedimentu berean agertzen diren iknofosilen elkarteak iknofacies deitzen dira. Lehorreko animalien oinatzei iknita esaten zaie^[2].

1. ↑ «Paleoichnology Meaning | Best 1 Definitions of Paleoichnology» www.yourdictionary.com (Noiz kontsultatua: 2021-07-29).
2. ↑ «¿Qué es una icnita?» recmestreacasa.gva.es (Noiz kontsultatua: 2021-08-14).